Žołte, fijałkojte a běłe fasady – nimale wšitko je móžno

srjeda, 25. meje 2016
artikl hódnoćić
(0 )
Z lubosću a wulkej prócu sej tež wobydlerjo Kulowa swoje domy ponowjeja. Wosebje w małych hasach města, hdźež běchu něhdy  rjemjesła zaměstnjene, su saněrowane tykowane domske wobhladanjahódne.  Foto: SN/Maćij Bulank Z lubosću a wulkej prócu sej tež wobydlerjo Kulowa swoje domy ponowjeja. Wosebje w małych hasach města, hdźež běchu něhdy rjemjesła zaměstnjene, su saněrowane tykowane domske wobhladanjahódne. Foto: SN/Maćij Bulank

Wuhotowanske wustawki tu a tam wušiknje zeskutkownjeja

Budyšin (SN/mwe). Tuchwilu so wjele twari, tak nastawaja, kaž we Worklecach, tež druhdźe nowe bydlenske štwórće. Tež starše twarjenja ludźo prawidłownje porjedźeja a fasadu znowa barbja. Při tym móže sej kóždy w principje barbu sam wuzwolić. Lědma jedna komuna woby­dlerjam raznje předpisuje, kotru barbu měła fasada měć, kotre cyhele na třěchu słušeja. Tole wobkruća tež Kubšiski wjesnjanosta Olaf Reichert (njestronjan). Tak ma jeho komuna runja wšěm druhim w Swobodnym staće Sakskej wobtwarjenske plany a wuhotowanske wustawki. Plany rjaduja wašnje a dalše modality wobtwarjenja ležownosćow. Zapisane do nich tež je, za čo so ležownosće wuži­waja. Wuhotowanske wustawki su častodosć ze spěchowanskimi srědkami zwjazane, kotrež komuna wot stata za wuhotowanje wobraza jej přisłušaceje wsy abo přisłušaceho města dóstawa.

wozjewjene w: Lokalka

Galerija

dalši wobraz (1) Při nowotwarje swojeho domskeho někotryžkuli wobydler rady k rjanemu historiskemu napohladej swojeje wsy abo města přinošuje.
Prošu přizjewće so, chceće-li komentar podać

nawěšk

nowostki LND