Tež dorost so prezentował

póndźela, 30. meje 2016
artikl hódnoćić
(0 )
Hdyž dujerska kapała Horjany zahraje, je jeje fanowy klub z módro-čerwjeno-běłymi chorhojčkami stajnje pódla. Tak bě to tež wčera k rańšemu piwku na Budyskim nalěću.  Foto: Carmen Schumann Hdyž dujerska kapała Horjany zahraje, je jeje fanowy klub z módro-čerwjeno-běłymi chorhojčkami stajnje pódla. Tak bě to tež wčera k rańšemu piwku na Budyskim nalěću. Foto: Carmen Schumann

Na Budyskim nalěću serbske barby widźeć a zynki słyšeć byli

Budyšin (CS/SN). Hromadźe z tysacami hosći, mjez nimi z oficialnymaj delegacijomaj partnerskeju městow Heidelberg a Jablonec, swjećachu Budyšenjo minjeny kónc tydźenja swoje 1014. Budyske nalěćo. Na oficialnym wotewrjenju sobotu připoł­dnju móžeše wyši měšćanosta Alexander Ahrens (njestronjan) samo zastupjerja z pósłanstwa Nikaraguwy witać, kiž so do złoteje knihi města zapisa. Tohorunja sobotu wotmě so dźeń towarstwow, wotbłyšćowacy mnohostronskosć towarstwoweho žiwjenja w sprjewinym měsće. Samsny dźeń bě po dlěšej přestawce zaso raz Serbski ludowy ­ansambl na měšćanskim swjedźenju prezentny. Na jewišću na Žitnych wikach poskićichu chór, ­orchester a rejwarjo ­pisany program, kotryž dopokaza, zo móžeš folkloru tež modernje a čerstwje na jewišću předstajić. Nałožki a wašnja kaž kwasna ceremonija drje k tomu ­słušeja, rejwarjo pak interpretowachu wšelake temy tež dosć načasnje w jednorych a modernych kostimach. Runje tak dobry wothłós žnějachu dorostowi ­rejwarjo skupiny Łužičanka.

wozjewjene w: Lokalka

Galerija

dalši wobraz (1) Na Budyskim nalěću njejsu jenož chór, orchester a balet Serbskeho ludoweho ansambla wustupili, ale tež dorostowa skupina Łužičanka.
Prošu přizjewće so, chceće-li komentar podać

nawěšk

nowostki LND