Prěni raz z bantowej reju

póndźela, 06. junija 2016
artikl hódnoćić
(0 )
Něhdyše ratarske a serbske žiwjenje na wsy dožiwić móžachu wopytowarjo wčera při swačinje na pólnej mjezy w Židźinom.  Foto: Ulrike Herzger Něhdyše ratarske a serbske žiwjenje na wsy dožiwić móžachu wopytowarjo wčera při swačinje na pólnej mjezy w Židźinom. Foto: Ulrike Herzger

Swačinu na pólnej mjezy wuhotuja jako towarstwowy swjedźeń

Židźino (UH/SN). Stajnje prěni kónc tydźenja w juniju přeprošuje Židźinska serbska drastowa skupina na swój to­warstwowy swjedźeń. Tak witachu wčera a zawčerawšim hižo 21. raz k swačinje na pólnej mjezy. Mjeztym zo sobotu z rejemi móhłrjec w swójskich rjadach swjećachu,­ wočakowachu organizatorojo a pilni pomocnicy njedźelu sta dalšich wopytowarjow, přetož towarstwowy swjedźeń je mjeztym dawno tež w regionje znaty wjeršk. Jedna z přičin je, zo w Židźinom jednore wjesne žiwjenje pěstuja a na přikład historisku ratarsku techniku demonstruja, kotraž hišće derje funguje. Runje tak pak typiski serbski flair mnohich wabi. To njewotbłyšćuje so jenož w tym, zo je jewišćowy program derje wopytany, ale tež w mnohich prašenjach, na kotrež maja akterojo wotmołwjeć, kaž předsyda drastoweho towarstwa Uwe Schuster rozłoži.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND