Swjedźeń w znamjenju jubileja

srjeda, 06. julija 2016
artikl hódnoćić
(0 )
Andreas Pětr, jeho mandźelska Jana a dźowka Julia słušeja k Lemišowskim oldtimerowym přećelam, kotřiž su so minjeny kónc tydźenja na přehladce starych jězdźidłow  w Hućinje sobu wobdźělili. Na swój nimale dorestawrowany Wartburg 311 z lěta 1962 je swójba wosebje horda.  Foto: Carmen Schumann Andreas Pětr, jeho mandźelska Jana a dźowka Julia słušeja k Lemišowskim oldtimerowym přećelam, kotřiž su so minjeny kónc tydźenja na přehladce starych jězdźidłow w Hućinje sobu wobdźělili. Na swój nimale dorestawrowany Wartburg 311 z lěta 1962 je swójba wosebje horda. Foto: Carmen Schumann

Hućina (SK/SN). Wusahowacy podawk 14. wjesneho a hatneho swjedźenja minjeny kónc tydźenja w Hućinje w Malešanskej gmejnje běchu kemše k 200lětnemu wobstaću wosadneje cyrkwje. Hižo 1222 prěni króć pisomnje naspomnjena Hućinjanska cyrkej bu 1813 w bitwje přećiwo Napoleonskim wójskam pola Budyšina dospołnje zničena. Tři lěta pozdźišo, w nowembru 1816, su nowy Boži dom poswjećili. Składnostnje róčnicy wotmě so minjenu njedźelu w swjedźenskim stanje swjatočna Boža słužba.

Tradicionalnje poskićeja na Hućinjanskim swjedźenju bohaty zabawny program, kotryž je tež lětsa najebać dešćikojte wjedro wjacore sta wo­pytowarjow přiwabił. Wulki magnet bě druha přehladka oldtimerow, wosebje z NDRskeho časa, wo kotruž starachu so wjesnjenjo a wobydlerjo susodnych wsow.

Wohnjowi wobornicy Hućiny, kotřiž maja tež jara aktiwnu a wospjet wuznamjenjenu młodźinsku woboru, su so wopytowarjam ze swojej techniku znowa prezentowali.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND