Změnjene plany za šulski centrum načinjeja přidatne wudawki
Slepo (AK/SN). Němsko-serbski šulski centrum twarić wostanje dale zaměr Slepjanskeje gmejny. K tomu wuznachu so jeje radźićeljo na swojim wčerawšim posedźenju. Woni wobzamknychu planować dwupolowu sportowu halu za šulski kompleks. Spočatnje bě třipolowa hala předwidźana. Plany, ju na dwupolowu změnić, načinjeja přidatne wudawki něhdźe miliona eurow. „Woznamjenja to, zo swójsku hornju hranicu 24 milionow eurow za šulski centrum njedodźeržimy“, chcyše gmejnski radźićel Matthias Jainsch wědźeć. „Je naš tehdyši rozsud hišće wěsty?“ Wjesnjanosta Reinhard Bork (CDU) wobkrući, zo wostanje 24 milionow eurow hornja hranica. Na tym so ničo njezměni. Gmejna dyrbi nětko puće namakać, kak móža milion eurow přidatnych wudawkow na druhim městnje zalutować.
