Ponowjene pišćele zaso zaklinča

štwórtk, 10. nowembera 2016
artikl hódnoćić
(0 )
Budyšin. Nazymu lěta 1866 poswjećichu w katolskim dźělu Budyskeje tachantskeje cyrkwje swj. Pětra pišćele, kotruž bě tehdyša Budyska pišćeletwarska firma Leopold Kohl twariła. Po lětušim ponowjenju přez Eulec pišćeletwarsku firmu swjeća nětko 150. jubilej z wosebitej ­pišćelowej hudźbu, a to njedźelu, 13. ­nowembra, we 18 hodź. Tón dźeń, kotryž je zdobom kermuša tachantskeje cyr­kwje, hraja tam Budyskaj organistaj Feliks­ Brojer a cyrkwinskohudźbny direktor Friedemann Böhme kaž tež jako hosćej prof. Matthias Eisenberg a tachantski organist Drježdźanskeje katedrale Johannes Trümpler. Kolekta při durjach je za dalšu renowaciju wobojich tachantskich­ pišćelow postajena.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND