Při kopolaku spominali

štwórtk, 10. nowembera 2016
artikl hódnoćić
(0 )
Składnostnje róčnicy pogromoweje nocy zhromadźi so wčera w Hórkach horstka Serbow, zo bychu na swoju bywšu wjesnjanku, młodu Židowku Hanku Šěrcec, spominali.  Foto: SN/ Maćij Bulank Składnostnje róčnicy pogromoweje nocy zhromadźi so wčera w Hórkach horstka Serbow, zo bychu na swoju bywšu wjesnjanku, młodu Židowku Hanku Šěrcec, spominali. Foto: SN/ Maćij Bulank

Městnosć dopomina na Hanku Šěrcec

Hórki (SN/MWj). Tak kaž su wčera na mnohich městnach w kraju róčnicu pogromoweje nocy lěta 1938 wopominali, zhromadźi so tež w Hórkach něhdźe 25 Serbowkow a Serbow, a to při lěta 2014 połoženym kopolaku za Hanku Šěrcec. Rodźena Židowka bě w Hórkach w katolskej swójbje wotrostła, doniž ju nacionalsocialisća njezawlečechu. Dopomnjeće na nju žiwe zdźeržeć bě zaměr zarjadowanja, na kotrež běštej Jěwa-Marija Elic a Hórčanske wjesne towarstwo Při skale přeprosyłoj.

„Prašeš-li so dźensa ludźi, što bě 9. nowembra 1938, mnozy z ramjenjomaj sukaja, dokelž njeznaja wuznam woneho dnja“, praji Jěwa-Marija Elic w swojej krótkej narěči. Kopolak při Hórčanskim hłownym puću do směra na Chrósćicy je jeničke městno, hdźež Hanku Šěrcec zjawnje wopominamy. „Tohodla je wažne, zo tele a wšitke tajke městna škitamy. Za to je ciwilna kuraža trěbna, kaž měješe ju młoda Židowka“, rjekny Hórčanka.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND