Ponowjenje Worklečanskeje sportownje cyle po planje – ale dróše

Worklecy (SN/MWj). Wulku twarsku taflu­ při Worklečanskej šuli njemóžeš přewidźeć.­ Tež twarski material, wuryte dźěry, firmowe awta a twarscy dźěłaćerjo pokazuja na to, zo tamnišu sportownju tuchwilu wobšěrnje ponowjeja. „Smy něhdźe tři štwórćiny wšitkich dźěłow zmištrowali. Hač na strukturu přitwara je wonkownje wšitko hotowe. Zyma nam ničo njewučinja. Móžemy nětko z nutřkownym wutwarom pokročować“, je dotalny­ rezimej wjesnjanosty Worklec Franca Bruska (CDU). Hala sama je wonkownje izolowana, z nowymi woknami wuhotowana a spodobnje wobarbjena.