Swjata Borbora a swjaty Mikławš w Serbskich Pazlicach po puću byłoj
„Sćicha swjata Borbora do durjow wam zakłapa. Pušćće ju do domu! Dźěći, powědajće basničku!“
Tak prošeše pomocnica na dnju swjateje Borbory, 4. decembra, kóždu swójbu w Serbskich Pazlicach, zo bychu do domu zastupić směli. Loni běchu młodostni wsy nałožk wozrodźili. Lětsa přidruži so jej hišće swjaty Mikławš. Tohodla so witanske hrónčko tónraz podlěši:
„Swjaty Mikławš ju dźens přewodźa a dźěći žno raz wopyta. A hdyž so jemu zalubi, to bórze škórnje napjelni.“
