Budyšin (CK/SN). Za Wjacławske wiki ma Budyske měšćanske zarjadnistwo po woli měšćanskeje rady zawjazowace prawi­dła zdźěłać. Z tym wotpowědowachu radźićeljo na swojim zašłym posedźenju namjetej frakcijow CDU a FDP kaž tež radźićelow Clausa Gruhla (Zeleni) a Měrka Brankačka (Pegasus). Spočatnje mějachu so za hodowne wiki wustawki zdźěłać. Tajke běchu sej do toho wobhladali, na přikład w Annaberg-Buchholzu, praji radźićel dr. Dirk Lübke. We hłownym wuběrku kaž tež w měšćanskej radźe samej pak dwělowachu, hač dyrbja to wustawki być. Te bychu najskerje překrute byli. Pisomne­ prawidła porno tomu zmóžnjeja wěstu fleksibelnosć.