Nowy princ na njedostatki w měsće skedźbnił

póndźela, 06. februara 2017
artikl hódnoćić
(0 )
Nowy Kulowski princowski por Gerold Kochta a jeho mandźelska Anja zaćahny sobotu na wupyšenu póstnisku žurlu.  Foto: Ulrike Herzger Nowy Kulowski princowski por Gerold Kochta a jeho mandźelska Anja zaćahny sobotu na wupyšenu póstnisku žurlu. Foto: Ulrike Herzger

Kulow (UH/SN). W kopatej połnej Ku­lowskej wjacezaměrowej hali su sobotu wjeršk tamnišeje 311. karnewaloweje sezony­ zahajili. Po tym zo je dotalny princowski por Sanni a Torsten Kellermann na lětušim prěnim kapičkowym wječoru hišće raz w srjedźišću stał a swojich pilnych sobuwojowarjow z čestnym rjadom wuznamjenił, přilubištaj nowy princowski por Gerold Kochta a jeho mandźelska Anja, zo je dołhi čas bjez smjeća a spěwanja za nory nětko skónčnje nimo. Tradicionelnje přednjese princ na swojim prěnim oficialnym wustupje knježerstwowe wozjewjenje. W nim je na někotrežkuli njedostatki w měsće skedźbnił. Tak přepodachu kóždemu čłonej rady štyrnaćoch latarnčku, zo móhli dźěćom na jich puću ze šule do horta puć wuswětlić, doniž město tam kmane rozrisanje njenamaka. Nowe rjadowanje by princ tohorunja za přemysło w měsće namjetował. Přetož jeli so situacija we wobchodach dale kaž nětko wuwije, nje­změja­ w Kulowje bórze hižo rjemjeslnikow, ale jenož hišće zawěsćernje, kaž Gerold­ Kochta jako zastupjer tejele branše­ sam najlěpje wě.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND