Hdźež nastawa chlěb jeno z přirodnych přidawkow

srjeda, 22. měrca 2017
artikl hódnoćić
(0 )
Tydźeń wob tydźeń pječe Gerda Pachow (naprawo) z wulkej lubosću a rozpalitosću za swojich kupcow. Kerstin Jando (nalěwo) podpěruje Drěwčanku stajnje pjatk jako předawarka we wobchodźe, kotryž je trójce wob tydźeń wotewrjeny. W nim poskića Gerda Pachow samopječene całty, chlěb, tykanc, torty kaž tež měd a jeja.  Foto: Andreas Kirschke Tydźeń wob tydźeń pječe Gerda Pachow (naprawo) z wulkej lubosću a rozpalitosću za swojich kupcow. Kerstin Jando (nalěwo) podpěruje Drěwčanku stajnje pjatk jako předawarka we wobchodźe, kotryž je trójce wob tydźeń wotewrjeny. W nim poskića Gerda Pachow samopječene całty, chlěb, tykanc, torty kaž tež měd a jeja. Foto: Andreas Kirschke

Gerda Pachow w Drěwcach ma trójce wob tydźeń swój wobchod wotewrjeny

Ze Spytečanskeho Rätzec młyna dóstawa wona wowsnu muku. Trěbne zorno za to dodawaja młynej wokolni ratarjo. Z něhdźe 50 procentow wowsneje muki a 50 procentow pšeńčneje muki, ze sele a droždźow pječe Gerda Pachow w Drěwcach we Łazowskej gmejnje wowsne całty. „Wupruwuju rady něšto nowe“, měni mějićelka Drěwčanskeho dworoweho wobchoda. Stajnje wutoru, pjatk a sobotu jón wona hižo rano­ zahe wotamka. Do toho něhdźe w třoch, sobotu hižo w dwěmaj, so jeje dźeń z přihotami ćěsta započina.

Dobry chlěb trjeba chwile

„Droždźe za całty trjebaja chwile. Dyrbja so najprjedy hibać“, praji Gerda Pachow. „Droždźowe ćěsto dyrbi wolumen měć. Hakle potom móžu za sobu całty wotpjec.“ Gerda Pachow pječe bjez přidatnych a barbnych maćiznow, dodawkow a bjez zesylnjakow słoda kaž glutama­ta. Wona ma so po přirodźe a jeje kaznjach, wužiwa recepty swojich prjedownikow. „Naše ćěło je přirodnu jědź zwučene. Wone­ je ze strowej jědźu žiwe a ju trjeba“, 65lětna wuzběhuje. „Najlěpši je stajnje hišće normalny rožkowy měšany chlěb.“

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND