Hišće ženje telko porow

póndźela, 08. meje 2017
artikl hódnoćić
(0 )
Mjez nimale 40 porami na mejemjetanju sobotu w Kukowje bě pozdźiši mejski kral młodostnych Jan Clausen ze swojej kra lownu Nelu Pjetašec (srjedźa).  Foto: Bianka Wjeńcyna Mjez nimale 40 porami na mejemjetanju sobotu w Kukowje bě pozdźiši mejski kral młodostnych Jan Clausen ze swojej kra lownu Nelu Pjetašec (srjedźa). Foto: Bianka Wjeńcyna

Mejemjetanje w Kukowje kaž wulki wjesny swjedźeń było

Pančicy-Kukow (BW/SN). W njewšě­dnje dołhim rynku zaćahnychu mjeńše a wjetše dźěći kaž tež młodostni sobotu popołdnju na Kukowske swjedźenišćo k mejemjetanju. Pod nawodom Mecht­hild Hogoweje a Elisabeth Rjedźineje předstaji na spočatku 19 porow mjeńšich dźěći swoje reje, kotrež přewodźeštaj Marija­ Šołćina a Měrćin Weclich na akordeonje. Jim slědowaše wosom porow trochu wjetšich dźěći a skónčnje zarejwa dwanaće porow młodostnych wokoło meje. Wšitke holcy běchu w swjedźenskej narodnej drasće, štož je sobu zasłužba njeličomnych hotwańčow. Mjez mjeńšimi dźěćimi wudoby sej Samuel Paška česć mejskeho krala a wuzwoli sej Maru Wohlfahrtec za kralownu. Pola wjetšich dźěći doby Johannes Cyž napřemoběh, z jeho kralownu sta so Rejzka Zelnakec. Jako wulka meja skónčnje padny, bě Jan Clausen najspěšniši při wjeršku a wu­zwoli sej Nelu Pjetašec za kralownu. Něchtóžkuli z wopytowarjow so dopominaše, zo bě před lětami na prěnich mejemjetanjach w Kukowje lědma dźesać porow.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND