Biskop so Serbam dźakował

wutora, 06. junija 2017
artikl hódnoćić
(0 )
Na swjatkownym putnikowanju wčera do Róžanta njesechu družki w jednotliwych procesionach postawy maćerje Božeje, kotrež za čas kemšow před wołtarnišćom stejachu.  Foto: Feliks Haza Na swjatkownym putnikowanju wčera do Róžanta njesechu družki w jednotliwych procesionach postawy maćerje Božeje, kotrež za čas kemšow před wołtarnišćom stejachu. Foto: Feliks Haza

Stotki wěriwych na swjatkownym putnikowanju do Róžanta

Róžant (SN/MWj). Při přijomnym wjed­rje su so wčera stotki serbskich wěriwych na kóždolětne putnikowanje do Róžanta podali. W dźesać procesionach nóžkowachu pak wot domjaceje wosadneje cyr­wje abo z Róžantej bliskich wsow k hnadownemu městnu. Prěni raz zasadźichu nowu zwukowu připrawu, kotruž bě klóšter Marijina hwězda na putniskej łuce připrawić dała. Božu mšu wuhotowała je Budyska wosada. Hłowny celebrant bě tachantski farar Wito Sćapan, kiž kemše hromadźe z dalšimi duchownymi swjećeše. Wo hudźbne wobrubjenje postarachu so chór 1. serbskeje kulturneje brigady pod nawodom Friedemanna Böhmy a Ralbičanscy pozawnisća pod nawodom Achima Dučmana.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND