Wot wowčernje k srjedźišću

pjatk, 23. junija 2017
artikl hódnoćić
(0 )
Rězbarski mišter Mikławš Dyrlich je hižo něšto za swjedźenski ćah přihotował a ma za jubilej hišće tójšto dźěła. Jeho zajim za wjesne stawizny bě organizatoram wulka pomoc, zestajeć wotpowědne wobrazy.  Foto: Jan Kral Rězbarski mišter Mikławš Dyrlich je hižo něšto za swjedźenski ćah přihotował a ma za jubilej hišće tójšto dźěła. Jeho zajim za wjesne stawizny bě organizatoram wulka pomoc, zestajeć wotpowědne wobrazy. Foto: Jan Kral

Nowa Wjeska hotuje so na wulki jubilej, štož je wjele dźěła

Nowa Wjeska (JK/SN). Wobydlerjo Noweje Wjeski su znaći za to, zo zamóža wurjadne swjedźenje wuhotować. Za tydźeń, 1. a 2. pražnika, woswjeća woni zhromadnje wulki jubilej 400. róčnicy prěnjeho naspomnjenja wsy. Jako zakład jubileja złožuja so na podaća Alfonsa Frencla w jeho knize „Podłu Klóšterskeje wody“. Hižo wot lońšeho wo tym rozmysluja, kak móhli tónle žadny podawk hódnje woswjećić.

Do přihotow zapřijeći su wobydlerjo a wjesne towarstwa, kotrež maja hižo tójšto nazhonjenjow, wjetše swjedźenje přewjesć. Za lětuši su sej trochu wjace předewzali. Jako wjeršk planuja, předstajić stawizny a wuwiće Noweje Wjeski w swjedźenskim ćahu. Kaž čłon přihotowanskeho wuběrka a aktiwny organi­zator wjesnych swjedźenjow Křesćan Korjeńk­ rozłožuje, předstaja wjesnjenjo a pomocnicy z dalšich wsow w něhdźe 25 wobrazach bohate stawizny Noweje Wjeski kaž tež za nju typiske podawizny abo wosobiny. Za to su najwšelakoriše nastroje, drastu a mašiny z historiskim pozadkom pilnje zezběrali.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND