Rězbarić, molować a pryskać

wutora, 04. julija 2017
artikl hódnoćić
(0 )

Mjezynarodny tydźeń młodźinskich dźěłarničkow na třoch městnach

Njebjelčicy (SN/MWj). Wot přichodneje njedźele hač do soboty, 15. julija, wot­měje­ so w Njebjelčanskej gmejnje mjez­tym­ hižo 6. mjezynarodny tydźeń mło­dźinskich­ dźěłarničkow.

Po dotalnych wuspěšnych zarjadowanjach nadźijeja so tež tónraz, zo znowa něšto trajne zwo­stanje, měni Claudia Kilankec,­ kotraž projekt mjeztym druhi raz na­wjeduje. Po jeje słowach wočakuja ně­hdźe 25 młodostnych z Łužicy,­ Čě­skeje, Pólskeje a Madźar­skeje. Na minje­nym­ po­sedźenju Njebjel­čanskeje gmejnskeje rady­ wona radźi­ćelam zdźěli, zo dóstachu­ za to spěchowanske srědki euro­regiona Nysa.

Přichodny tydźeń maja tři skupiny na rozdźělnych­ městnach dźěłać. Tak chce so rězbarska pod nawodom Jürgena Spottki z Njebjelčanskim hrajkanišćom zaběrać a je wudospołnić. Molowansku skupinu nawjeduje Kerstin Roscher. Młodostni porjeńša z njej sćěnu na Serbskopazličanskim sportnišću. Za to su Njebjelčanske dźěći swoje ideje přino­šowali. A skónčnje zaběra so grafiti­jowa dźěłarnička pod nawodom Jadwigi Deleńkec z nuznikowym wozom Pěskečanskeho sportoweho towarstwa.

Wobdźělnicy přijědu njedźelu do Njebjelčic. Wot póndźele potom so swojemu dźěłu wěnuja. Přichodnu srjedu steji wulět do Drježdźan na programje.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND