Dwacety „kotoł pisaneho“ dožiwli

póndźela, 31. julija 2017
artikl hódnoćić
(0 )
Program wčera popołdnju – Viktorija Langec, Volkmar a Luisa Korchec jón serbsce a němsce připowědźachu – bě wjeršk Koćinskeho kónctydźenskeho wjesneho swjedźenja. Dźěći zahorichu ze Šewcowskej reju. Foto:  Alfons Handrik Program wčera popołdnju – Viktorija Langec, Volkmar a Luisa Korchec jón serbsce a němsce připowědźachu – bě wjeršk Koćinskeho kónctydźenskeho wjesneho swjedźenja. Dźěći zahorichu ze Šewcowskej reju. Foto: Alfons Handrik

Wjele hosći je kónc tydźenja třidnjowski wjesny swjedźeń w Koćinje dožiwiło. Marja Latowa, kotraž mjeztym 17 lět tamniši wjesny klub ze 27 čłonami nawjeduje, bě so znowa wo wotměnjawy program – mjeztym třeći raz při kapałce wosrjedź wsy – postarała.

Koćina (aha/SN). Nimo 20. raz pospochi do swjedźenja zapřijateho „kotoła pisaneho“ zabrachu sportowe wubědźo­wanje wažne městno. Pjatk wječor k za­zběhej swjedźenja kehelowachu dźěći w dwěmaj skupinomaj. Najlěpšej běštaj pola młódšich Adrijan Meyer z Koćiny, pola wjetšich Jan Szczepaniak. Mjez žonami spowala najwjace kehelow Betina Pjetašowa, kotraž bě z Bayerskeje ze swójbu domoj na swjedźeń přijěła. Mjez mužemi bě Pětr Reinelt najwuspěšniši.

Sobotu wubědźowaše so pjeć mustwow dźěći w kopańcy, hdźež wobsadźichu Němcy, před Kulowom a Koćinu prěnje městno. Mjez sydom cyłkami młodostnych je prěni króć tež zastupnistwo z Jitka za bulom honiło. Před Sulšečanami dobychu koparjo z Koćiny. We volleyballu wopokazachu so žony z Koćiny jako najlěpše.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu njedźelu wotmě so w Blunju 11. serbski ewangelski domizniski dźeń. Tule nańdźe někotre fotowe impresije ze swjedźenja, kotrež je Janek Wowčer zapopadnył.
Am 17. Juni fand in Bluno der 11. sorbische evangelische Heimattag statt. Hier finden si

nowostki LND