Spale (AK/SN). Narowny kamjeń z wopomjatnej taflu hnydom napadnje. Pódla zachoda do kapałki na Spalowskim kěrchowje dopomina wón na serbskeho ewangelskeho fararja Křesćana Kubicu (1805–1861). „To je hódne městno. Křesćan Kubica je jedna ze Spalowskich historiskich wosobinow. Na te wašnje jeho hódnje wopominamy“, praji wjesny chronist Reinhold Weise, čłon Spalowskeho domizniskeho towarstwa. Jeho čłonojo su narowny kamjeń do Spal přenjesli a jón při kapałce nastajili. Nimo toho připrawichu informacisku taflu. Trěbne 450 eurow je towarstwo najprjedy raz same zapłaćiło.