Něhdyši minister měł pomhać

póndźela, 11. septembera 2017
artikl hódnoćić
(0 )

Wjesna rada přihotuje naprašowanje a informaciske zarjadowanja

Trjebin (AK/SN). Kónc decembra ma nowa městnosć za wot brunicoweje jamy Wochozy II potrjecheny Miłoraz wěsta być. Tole podšmórny wjesny předstejićer Waldemar Locke na ­zašłym posedźenju Trjebinskeje gmejnskeje rady. „Tuchwilu faworizuje 78 ­procentow wšěch Miłorazanow přesydlenje do Slepoho. Koncern LEAG pak by tež Trjebin za móžnu sydlensku městnosć měł“, wón roz­łoži.

Miłoražanska wjesna rada, Locke po­twjerdźi, ma městnosć w sewjernym dźělu­ Slepoho za najkmańšu. Tam měješe Nowe Rowno nastać. Tež Zhorjelski krajnoradny­ zarjad móhł tomu přihłosować. „Spjelnimy nětko swoje domjace na­dawki a přewjedźemy naprašowanje“, praji předstejićer. Najprjedy chcedźa naprašniki zdźěłać, potom na informaciske zarjadowanje přeprosyć a skónčnje naprašniki woby­dlerjam rozdźělić. Njewotwisny běrow ma tole přewodźeć.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND