Měšćanske partnerstwa znowa wobkrućene

štwórtk, 12. oktobera 2017
artikl hódnoćić
(0 )
Zastupjerjo towarstwow a městow partnerske zrěčenje znowa wobkrućichu. Mjez nimi běchu mjez druhim měšćanosća Koudougouwa, Dreuxa a Budyšina Maurice Moktar Zongo, Gérard Hamel (3. a 4. wotlěwa) a Alexander Ahrens kaž tež předsydźa Tomasz Nawka, Lois Morée a John Smith (wotprawa). Foto: Carmen Schumann Zastupjerjo towarstwow a městow partnerske zrěčenje znowa wobkrućichu. Mjez nimi běchu mjez druhim měšćanosća Koudougouwa, Dreuxa a Budyšina Maurice Moktar Zongo, Gérard Hamel (3. a 4. wotlěwa) a Alexander Ahrens kaž tež předsydźa Tomasz Nawka, Lois Morée a John Smith (wotprawa). Foto: Carmen Schumann

Dreux/Budyšin (CS/SN). Składnostnje 25. róčnicy załoženja měšćanskeho partnerstwa poda so delegacija z Budyšina wot 5. do 8. oktobra do francoskeho Dreuxa. Skupina 40 ludźi wobsteješe nimo čłonow partnerskeho towarstwa z hudźbnych šulerjow, wuměłcow, keramikarkow a šachownikow. Nimo toho běchu zastupjerjo z Wulkeje Britaniskeje a Burkina Faso z hosćom. Jendźelske město Evesham swjeći lětsa 40 a afriske Koudougou hižo 45 lět přećelstwa a kooperacije z Dreuxom.

We wobłuku wulkeho swjedźenja su sobotu partnerske zrěčenja znowa wobkrućili. Budyski wyši měšćanosta Alexander Ahrens (SPD), kiž bě sej po­dawka dla wosebje do centralneho regiona Loiry dolećał, zahori z jimacej a bjez manuskripta swobodnje přednošowanej narěču w perfektnej francošćinje. Nimo njeho podpisa dokument tež předsyda partnerskeho towarstwa Tomasz Nawka.

wozjewjene w: Lokalka
Prošu přizjewće so, chceće-li komentar podać

nawěšk

  • Minjenu sobotu, 24. nowembra, wotmě so Budyskim NSLDź lětuša Schadźowanka. Tule namakaće někotre fotowe impresije.
Das alljährliche Treffen der sorbischen Studierenden, Absolventen und Gymnasiasten Schadźowanka fand am Samstag, den 24. November, zum

nowostki LND