Malešecy/Plusnikecy (CS/SN). Hižo wjacore razy je so Malešanska gmejnska rada na swojich posedźenjach z temu Plusnikečanska skała rozestajała. Na njedawnym posedźenju měješe so přisłušny sobudźěłaćer Freibergskeho wyšeho hórni- stwoweho zarjada Steffen Döhner k tomu wuprajić. Na posedźenju samym pak dyrbjachu tónle dypk dnjoweho porjada šmórnyć, dokelž bě připowědźeny hósć chorosće dla wotprajił. Přiwšěm so předsydka wobydlerskeje iniciatiwy Plusnikečanska skała Luise Dutschmann we wobłuku hodźiny za wobydlerske naprašowanja k tomu wupraji. Wšako tale naležnosć wulkemu dźělej Plusnikečanow pod nochćemi pali.