Na staršu generaciju njezabywaja

pjatk, 08. decembera 2017
artikl hódnoćić
(0 )
Na adwentničce delanskich wuměnkarjow pobjesadowachu mjez druhim Lejna Šołćina,  Hańža Hajnkowa a Hańža Rachelowa (wotprawa).  Foto: Alfons Handrik Na adwentničce delanskich wuměnkarjow pobjesadowachu mjez druhim Lejna Šołćina, Hańža Hajnkowa a Hańža Rachelowa (wotprawa). Foto: Alfons Handrik

Hižo lětdźesatki je z tradiciju, zo přeproša gmejna Ralbicy-Róžant swojich wuměnkarjow na adwentničku do Šunowskeje Fabrikskeje hospody.

Šunow (aha/SN). Něhdźe 150 wuměnkarjow – žony starše hač 60 lět a mužojo starši hač 65 lět – je zawčerawšim na swoju adwentničku do Šunowa přichwatało. Woni sej wulce chwalachu, zo gmejna Ralbicy-Róžant kóžde lěto tak wulkomyslnje na staršu generaciju dźiwa.

83lětny Pawoł Rachel, sobu najstarši serbski hajnik, rjekny, zo jako rentnar přeprošenje na dohodowne zarjadowanje stajnje rady sćěhuje. „Lětuša adwentnička w tak lóštnej atmosferje mje wosebje wokřewja“, wón měnješe. Pódla njeho za blidom sedźeše Monika Hajnkowa jedna z najmłódšich w kruhu seniorow. „Sym prěni raz w tymle kruhu. Mam to za prawe hódnoćenje dźěła staršeje ge­neracije.“

Wjesnjanosta Hubertus Ryćer (CDU) naliči a hódnoćeše najwšelakoriše aktiwity na dobro ludźi we wšěch wjesnych dźělach gmejny. Po jeho słowach je w gmejnje tuchwilu 1 711 wobydlerjow. W minjenych dwanaće měsacach je wosom wosobow zemrěło, w samsnym času so 16 dźěći narodźi.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND