Hódne dožiwjenje dźěćom a staršim

wutora, 12. decembera 2017
artikl hódnoćić
(0 )
Zajimawe a powučne dny dožiwichu serbske swójby ze swojimi dźěćimi minjeny kónc tydźenja w Smochčanskim Domje biskopa Bena.  Foto: Alfons Handrik Zajimawe a powučne dny dožiwichu serbske swójby ze swojimi dźěćimi minjeny kónc tydźenja w Smochčanskim Domje biskopa Bena. Foto: Alfons Handrik

Dźewjaty raz pospochi je Smjerdźečanske swójbne a kubłanske srjedźišćo LIPA­ wot minjeneho pjatka do njedźele tradicionalny kónc tydźenja w adwentnym času přewjedło. Znowa bě je Serbske šulske towarstwo podpěrało.

Smochćicy (aha/SN). Cyłkownje dwaceći dorosćenych a jich 28 dźěći je w přijomnej zhromadnosći w Smochčanskim Domje biskopa Bena druhi adwentny kónc tydźenja dožiwiło. W času, hdyž słuchachu starši na kubłanske přednoški, zaběrachu so kubłarki z dźěćimi, tak zo bě dohlad tež najmłódšeju, hakle šěsć měsacow stareju dwójnikow, zaručeny.

Nawodnica LIPY Lucija Handrikowa witaše pjatk wječor po Božej mši Weroniku Wróblowu, kotraž je z přednoškom na temu „Nabožne žiwjenje w swójbach hajić skruća wěru a narodny rjap“ dobry zazběh zaručiła. Alarcon Cardenas-Hančik, kotrehož wjacore tam přebywace dźěći jako kucharja w Ralbičanskej šulskej kuchni znaja, so mjez serbskimi swójbami přewšo derje čuješe, dokelž „je mi mjezsobna zhromadnosć wažna. Tak móžu tež zeznać staršich tych dźěći, kotrež­ derje zastarać so prócuju.“

wozjewjene w: Łužica
Prošu přizjewće so, chceće-li komentar podać

Serbska debata

nowostki LND