Z wobkedźbowanjom serbskosće we Wojerecach přiwšěm njespokojom

Wojerecy (AK/SN). Lěto 2017 bě za serbsku přiradu města Wojerec intensiwne a połne dźěła. Dźesaćčłonski gremij so jara angažuje a žněje wuspěch. Su pak tež naležnosće, kotrež měli so polěpšić, měni­ předsyda přirady Dirk Nasdala. „Wostrózbjace je, zo drje wobstejitej zasadnje wotewrjenosć a zajim za serbske temy w měsće. Hłubši zajim za rěč, kulturu, pěstowanje tradicijow a nałožkow kaž tež za serbske stawizny pak njeje.“ Njewěda wo Serbach a jich stawiznach Nasdalu starosći. „Zo dyrbimy stajnje zaso­ ze zakładnej wědu započeć, lemi motiwaciju. Skutkujemy za kubłanje w měsće a měšćanskej radźe.“