Ćežki kompromis mjez měšćanskimi radźićelemi a zarjadnistwom
Budyšin (CK/SN). Nowe lěto zahaja město Budyšin ze solidnym etatom. Mjeztym zo wučinjeja dochody 75,2 milionaj eurow, změje wone wudawki 77,2 milionow eurow. Deficit wopodstatnja zarjadnistwo z přiběracymi wudawkami za hladanje twarjenjow a za wobhospodarjenske kóšty, za čož zaplanuja 14,8 milionow eurow. Nimo toho z tym liča, zo wotedawk wokrjesej bytostnje rozrosće. 16,6 milionow eurow wudadźa za zastaranje dźěći.