Smječkecy (aha/SN). Čłonojo dorostoweje Smječkečanskeje wohnjoweje wobory zetkachu so sobotu dopołdnja k swojemu planowanemu praktiskemu wukubłanju w hašenju. Wšitke dźesać młodych kameradow – mjez nimi štyri holcy – w starobje wosom do šěsnaće lět su so z hłownym nazwučowarjom Carstenom Čórlichom a jeho zastupjerjom Handrijom Kružu stajenym nadawkam z wulkej disciplinu wěnowali.