Budyšin (SN). Tydźenja zetka so něhdźe 50 zastupjerjow hospodarstwa a přede­wzaćow, kulturnych institucijow, politiskich stron, cyrkwjow, šulow a towarstwow w Muzeju Budyšin, hdźež zaha­jichu diskusiju wo „měšćanskej wiziji Budyšin 2030+“. Pod hesłom „Serbja, žonop a Silbermond – Štó smy, što nas wučinja?“ wobdźělnicy rozjimachu, z čim so Budyšenjo identifikuja, što to rěka a kajku mamy identitu. „Zo móhli wiziju formulować, dyrbimy najprjedy won dóstać, štó poprawom smy“, rjekny Budyski wyši měšćanosta Alexnder Ahrens (SPD).