Haleluja wulce klinčało

wutora, 03. apryla 2018
artikl hódnoćić
(0 )
Nowaj chorhojnikaj staj lětsa na čole Baćońskeho křižerskeho procesiona jěchałoj. Ansgarej Šachtenej (naprawo) a Tobiasej Sachsy bě zastojnstwo při sylnym wětřiku wosebite wužadanje. SN/Maćij Bulank Nowaj chorhojnikaj staj lětsa na čole Baćońskeho křižerskeho procesiona jěchałoj. Ansgarej Šachtenej (naprawo) a Tobiasej Sachsy bě zastojnstwo při sylnym wětřiku wosebite wužadanje. SN/Maćij Bulank
Budyšin (SN/at). Sylny wětřik duješe 56 křižerjam Budyskeho procesiona mjezwoči, jako jutrowne město wopušćichu. Tónkróć bě jich sydom mjenje hač loni. Z jasnje zanjesenymi kěrlušemi po­dachu so woni do susodneje Radworskeje wosady. W procesionje wuhladachmy jednoho nowačka ze zelenym wěnčkom a třoch ze slěbornym. Zymne wjedro drje je mnohich ludźi wottrašiło křižerjow sej wobhladać. Najebać to bě tójšto pućowanskich skupin mjez druhim z Čěskeje, Heidelberga, Darmstadta abo Hillesheima do Budyšina přijěło, zo bychu tudyši 26. křižerski procesion dožiwili.
Kulow (aha/SN). Procesion z cyłkownje 393 jěcharjemi je Kulowski wosadny farar dr. Wolfgang Křesák na puć do Ralbic wužohnował. Z toho bě 176 pod kantorom Steffenom Kobalzom w němskim dźělu, mjez nimi šěsć slěbornych jubilarow a dwaj nowačkaj. Na čole 217 křižerjow sylneho serbskeho dźěla z kantorom Michałom Krječmarjom z Dubrjenka jěchachu Brěžčenjo. Tež w serbskim dźělu bě šěsć křižerjow ze slěbornym wěnčkom a runje telko ­ze zelenym. Tomaš Jorš a Frank Rajner Mark jěchaštaj 40. raz. Tež farar Gabriš Nawka bě mjez křižerjemi.
wozjewjene w: Lokalka

Galerija

dalši wobraz (1) Rjany napohlad skićeše Radworski křižerski procesion, jako blisko Stróžišća do směra na Baćoń jěchaše.
dalši wobraz (2) Runje tak, kaž je tež druhdźe z wašnjom, wobjěcha klóšterski křižerski procesion trójce Chróšćanski kěrchow.
dalši wobraz (3) W Njebjelčanskim procesionje je Tadej Handrik prěni raz Horjestaće njesł.
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte

nowostki LND