Stróža (CS/SN). Z pućowanjom podłu Hućinjanskich hatow su minjenu njedźelu 15. cyłosakske nalětnje pućowanja zahajili. Na jich programje steji něhdźe 300 wjetšich a mjeńšich přechodźowanjow. Při Stróžanskim Domje tysac hatow zetka so něhdźe 40 pućowarjow, zo bychu jónu přirodu dožiwili, ale tohorunja wot sobudźěłaćerjow biosferoweho rezerwata zajimawe nowosće zhonili. Mjez druhim witaše nawoda zarjadnistwa biosferoweho rezerwata Torsten Roch wobswětoweho statneho sekretara dr. Franka Pfeila, zapósłanca Sakskeho krajneho sejma Marka Šimana a krajneho radu Michaela Hariga (wobaj CDU).