Přidatny koncert na Pastwinej horje

srjeda, 20. junija 2018
artikl hódnoćić
(0 )
Roland Kaiser koncertuje lětsa dwójce w Kamjencu. Za koncert 31. awgusta su hišće zastupne lisćiki na předań.  Foto: Toni Kretschmer Roland Kaiser koncertuje lětsa dwójce w Kamjencu. Za koncert 31. awgusta su hišće zastupne lisćiki na předań. Foto: Toni Kretschmer

Kamjenc (SN/MWj). Jedyn z najwoblubowanišich šlagrowych spěwarjow Němskeje přijědźe lětsa dwójce do Kamjenca. Kónc přichodneho tydźenja steji Roland Kaiser na jewišću na Pastwinej horje, a to před połnje wobsadźenej přihladowarskej tribunu. Přetož koncert 30. junija bě hižo bórze po zahajenju předpředanje wupředaty. Přiwisnicy tak mjenowaneje małeje „Kaisermanije“ pak smědźa so na přidatny koncert wjeselić. Tón wotměje so pjatk, 31. awgusta, w 20 hodź. na samsnym městnje. Za njón dóstanu ­zajimcy zastupne lisćiki w Kamjenskej informaciji na Šulskim naměsće 5 (tel. 03578/ 379 205), internetnje pod www.eventim.de a we wšěch znatych předpředawanišćach. Čitarjo Serbskich Nowin změja šansu, koncert 31. awgusta, darmotnje wopytać. Přichodne dny wozjewimy swoju dowolowu křižowku. A jedne myto budźetej zastupnej lisćikaj za njón.

Na Kamjensku Pastwinu horu přijědźe Roland Kaiser ze swojej dwanaće hudźbnikow wopřijacej skupinu. Wšitcy zhromadnje skuzłuja tam dwuapołhodźinski hudźbny wohnjostroj z aktualnymi hitami, ale wězo tež z njezachodnymi klasikarjemi kaž „Manchmal möchte ich schon mit dir“, „Joana“ abo „Dich zu lieben“. Kaž zarjadowar Semmel Concerts informuje, budźe program w Kamjencu lědma hinaši hač na legendarnych koncertach při Łobju w Drježdźanach. Tuž smědźa so fanojo hižo nětko na njezapomnity wječor w Lessingowym měsće wjeselić.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND