Sami raz sněhowy płuh wodźili

štwórtk, 28. junija 2018
artikl hódnoćić
(0 )
Z mašinu, kotruž hewak mjez druhim za wuporjedźenje nadróžneho wobswětlenja zasadźeja, móžachu so zajimcy dowysoka wjezć dać.  Foto: Carmen Schumann Z mašinu, kotruž hewak mjez druhim za wuporjedźenje nadróžneho wobswětlenja zasadźeja, móžachu so zajimcy dowysoka wjezć dać. Foto: Carmen Schumann

Budyšin (CS/SN). Dróhomištrownja Budyskeho wokrjesa njeje w normalnym padźe za zjawnosć přistupna. K dźesatemu jubilejej wokrjesa pak přeprosychu tam minjene dny na dźeń wotewrjenych duri. Poskitk su zajimcy rady přiwzali.

Wosebje swójby wužiwachu hižo dopołdnja přiležnosć, sej njewšědnu techniku wobhladać, kotruž maja dźěłaćerjo k dispoziciji. Wopytowarjo z jězbnej dowolnosću za nakładne awta smědźachu jónu sami sněhowy płuh wodźić. Wšitcy tamni móžachu na wšelakich jězdźidłach sobu jěć. Polly a Lotta smědźeštej tak pod dohladom Andreasa Hahna mału nadróžnu walcu wodźić. Wopytowarjo wobhladachu sej historiske dźěłowe srědki, z kotrymiž běchu so něhdy wo čistotu na pućach starali. Mjez druhim bě to wulka žołta nadróžna walca. Pod njej pokazowachu wjaceworštowy natwar ­asfaltoweje dróhi.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND