Hnydom dwě młodźeći stej so alpakam w Běłowodźanskim zwěrjencu k wjeselu wopytowarjow narodźiłoj. Připrawu zwěrjećeje rasy chcedźa tak přetwarić, zo móžeš po njej chodźić.
Běła Woda (CK/SN). Alpaki w Běłowodźanskim zwěrjencu maja dorost. Před štyrjomi tydźenjemi je běłobruna kobła młodźo porodźiła. A te so wulkotnje wuwiwa. Mjeztym ma samo małeho towarša k hrajkanju. Přetož čorna kobła je před tydźenjomaj tohorunja młodźo porodźiła.
