Nowy kulturny wobchod w měsće

srjeda, 25. julija 2018
artikl hódnoćić
(0 )
Witać móžeštaj Dorit Paschke a Dieter Wersch z Kulowa (wotprawa) minjenu sobotu w prěnim kulturnym wobchodźe Budyšina prěnich hosći na jeju mineralijowu a wustajeńcu akwarelow. KulturSHOP je dalše wožiwjenje města Foto: SN/Maćij Bulank Witać móžeštaj Dorit Paschke a Dieter Wersch z Kulowa (wotprawa) minjenu sobotu w prěnim kulturnym wobchodźe Budyšina prěnich hosći na jeju mineralijowu a wustajeńcu akwarelow. KulturSHOP je dalše wožiwjenje města Foto: SN/Maćij Bulank

W Budyskim starym měsće, na Serbskej hasy 4, móža sej zajimcy přichodnje wustajeńcy wobhladać, koncerty dožiwić abo so na dźěłarničkach wobdźělić. Wotnětka je w dotal njewužiwanej rumnosći prěni KulturSHOP Budyšina zaměstnjeny a zjawnosći přistupny.

Budyšin (SN/mwe). Jako prěnjej wusta­jetaj w Budyskim prěnim kulturnym wobchodźe Dieter Wersch a Dorit Paschke z Kulowa akwarele a mineralije, kotrež su tam do 26. awgusta widźeć. „KulturSHOP je po přikładźe TestSHOPa dalši projekt Budyskeho cityjoweho managementa, a to z podpěru Nutřkoměšćanskeho towarstwa. Projekt ma wožiwjenju nutřkowneho města přinošować“, cityjowa managerka Gunhild Mimuß minjenu sobotu oficialnje wotewrjeny kulturny wobchod wopisowa. „Mějach ideju, zo wočinimy rumnosć, w kotrejž kulturu dowolamy, štož měło so na jednym kóncu tydźenja stać. To njetrjeba přeco wuměłstwo być.“

Pod hesłom „Kultura we wobchodźe“ móže kóždy zajimc w swójskej iniciatiwje prózdnostejacy wobchod nachwilnje přewzać. Tak móža w nim tež rejwanske a kreatiwne wječorki přewjesć. Na wukładnym woknje a durjach hodźa so tež wotpowědne nalěpki připrawić, kotrež po zakónčenju zarjadowanja zaso wotstronja. Nalěpki přewostaja Nutřkoměšćanske towarstwo přez jeho cityjowu managerku. Za wotběh, natwar a wobsah zarjadowanja su wobdźělnicy sami zamołwići, móža pak so na wobchod powołać a sej tež zastup žadać.

Dieter Wersch so wjeseli, zo móže na tutym městnje swoje akwarele wustajeć. To su mjez druhim napohlady Budyšina. „Molowanje přińdźe mi často spontanje do mysli, štož mi derje čini“, 68lětny wuměnkar swój konik wopisuje. Wustajał je swoje twórby mjez druhim w twarjenju zarjadniskeho zwjazka Při Klóšterskej wodźe w Pančicach-Kukowje, hdźež budu wot oktobra zaso widźeć.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND