Stróža (CS/SN). Ines Kunzendorf z towarstwa Serbski kulturny turizm je wčera wo serbskich nałožkach přednošowała. Myslene wosebje za mnohich dowolnikow na wočerstwjenišću při Olbje pak zličichu w Stróžanskim Domje tysac hatow jenož horstku zajimcow. „Serbske nałožki su do njematerielneho kulturneho herbstwa UNESCO přiwzate“, referentka wuzběhny. Wona rozłoži wšelake wopřijeća za Serbow a předstaji žiwe drastowe regiony, delnjołužiski, Wojerowski, Slepjanski a katolski, hdźež žony wšědnje hišće w narodnej drasće chodźa.