Njeje tak zlě

pjatk, 26. oktobera 2018
artikl hódnoćić
(0 )
W Budyšinje hotuja so wobchodnicy na wulki nakupowanski a dožiwjenski wječor. Hinak hač zašłe lěta pak njezakónča jón z wohnjostrojom. Wěstotne wobmyslenja su přewulke, a nutřkoměšćanske towarstwo njemóže zamołwitosć za to přewzać. Ja měnju, zo Romantica tež raz bjez wohnjostroja wuńdźe. Wšako su hakle njedawno na staroměšćanskim swjedźenju tajki spektakl organizowali. Hdyž nastajnosći z wohnjostrojom wabja, móhło to poněčim wostudłe być a ludźo so toho wohladaja. Pozitiwny efekt snano tež budźe, zo woni dlěje po hasach dun­daja a do toho abo tamneho wobchoda pohladaja, štož dźě je zmysł cyłeho wje­čora. W minjenych lětach bě dźě zwjetša tak, zo je wulki dźěl ludźi po wohnjostroju domoj šoł. To móhło lětsa hinak być a z to­ho bychu na kóncu wšitcy profitowali, wothladajo wot zalutowanych pjenjez, kotrež so do powětra přepraskaja. Marian Wjeńka

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND