Čaru nětko tola elektrifikuja

srjeda, 07. nowembera 2018
artikl hódnoćić
(0 )
Na nowinarskej rozmołwje při nowym mosće nad Budyskej Zeppeli nowej je sej serbski zapósłanc CDU w Sakskim krajnym sejmje  Marko Šiman (nalěwo) zawčerawšim, póndźelu, elektrifikaciju železniskeje čary z Drježdźan do Zhorjelca žadał. Wotpowědne  twarske wuměnjenja za to su wšitke spjelnjene.  Foto: Carmen Schumann Na nowinarskej rozmołwje při nowym mosće nad Budyskej Zeppeli nowej je sej serbski zapósłanc CDU w Sakskim krajnym sejmje Marko Šiman (nalěwo) zawčerawšim, póndźelu, elektrifikaciju železniskeje čary z Drježdźan do Zhorjelca žadał. Wotpowědne twarske wuměnjenja za to su wšitke spjelnjene. Foto: Carmen Schumann

Wobchadne ministerstwo chce wotrězk Drježdźany–Zhorjelc wutwarić

Budyšin/Berlin (CS/SN/MkWj). Po wčerawšim rozsudźe zwjazkoweho ministerstwa za wobchad nastupajo elektrifi­kaciju železniskeje čary mjez Drježdźanami a Zhorjelcom je serbski zapósłanc CDU w Sakskim krajnym sejmje Marko Šiman optimistiski, zo so planowany elektriski wutwar čary zwoprawdźi. To je na naprašowanje Serbskich Nowin hišće raz potwjerdźił. Wobchadne ministerstwo bě zdźěliło, zo chcedźa dwaj sakskej wobchadnej projektaj na lisćinu najwažnišich předewzaćow zapisać, štož faktisce rěka, zo je financowanje předewzaćow zaručene. Při tym jedna so wo nowu železnisku čaru mjez Drježdźanami a Prahu po Rudnych horinach ze 26 kilometrow dołhim tunlom a wo elektrifikaciju železniskeje čary mjez Lipskom a Kamjenicu. Jeničce za nowu čaru do Prahi chcedźa na němskim boku 1,5 miliardow eurow nałožić. Železniski wotrězk Drježdźany–Zhorjelc njebě spočatnje w tym zwisku naspomnjeny. Pozdźišo wšak rěkaše, zo ma so jeho elektrifikacija čary z wosebiteho fondsa zapłaćić.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND