Budyšin (SN). Na židowskim kěrchowje na kromje Budyskeje Strowotneje studnje su minjeny pjatk wopory pogroma wopominali, kiž bě so runje před 80 lětami w Němskej započał. Něhdźe 30 wosobow bě přeprošenju na zarjadowanje sćěhowało. Šulerjo Budyskeho Melanchthonoweho gymnazija zarjadowanje hudźbnje wobrubichu. K tomu předstajichu tekstowe kolaže, kotrež běchu na zakładźe knihi wo Anne Frank sami zestajeli.