Zetkanje traktorow z nowosću

štwórtk, 03. januara 2019
artikl hódnoćić
(0 )
Hdźež měješe Robert Ryćer na Horje w Bóščanskej gmejnje tele dny hižo swój traktor typa Fendt z lěta 1960 přihotowany, drje bu dźe so přichodnu njedźelu z ludźimi a historiskimi jězdźidłami jenož tak mjerwić.  Foto: Marian Wjeńka Hdźež měješe Robert Ryćer na Horje w Bóščanskej gmejnje tele dny hižo swój traktor typa Fendt z lěta 1960 přihotowany, drje bu dźe so přichodnu njedźelu z ludźimi a historiskimi jězdźidłami jenož tak mjerwić. Foto: Marian Wjeńka

Na Horu w Bóščanskej gmejnje přijědu njedźelu historiske jězdźidła

Hora (SN/MWj). Najwjetši dźěl něšto wjace hač 80 wobydlerjow wopřijaceje Hory w Bóščanskej gmejnje budźe njedźelu, 6. januara, na nohach, hdyž wočakuja tam něhdźe tysac wopytowarjow zymskeho zetkanja historiskich jězdźi­dłow. Mjeztym pjaty raz Horjenjo tónle po­dawk přihotuja, při čimž pomha nimale 60 ludźi, wě Robert Ryćer jako jedyn z hłownych přihotowarjow.

Nastała ideja je, jako so před lětami swojich přećelow z Koblic we Łazowskej gmejnje prašachu, hač nochcyli woni swój kóždolětny zymski wulět ze sta­ry­mi traktorami raz na Horu přewjesć. Wot toho časa je zymske zetkanje kóžde lěto rozrostło. Loni bě tam 160 histo­riskich jězdźidłow wot traktorow přez awta­ hač k Lkw-jam a motorskim widźeć. Tónraz liča z 200 jězdźidłami. Samo z Gubina, Kamjenicy a Załomja chcedźa přijěć. Hłowny sponsor je Rjedźic ratarski zawod, kotryž za tónle podawk mjez druhim wulku łuku přewostaja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte

nowostki LND