Poprawom su Wadecy w Kubšiskej gmejnje wuchodnje Budyšina měrna wjes. Idylka pak je zdźěla mylena, dokelž su tam po zdaću wjackróć we wjesnym haće wopłóčki wuhladali.
Wadecy (UM/SN). Zanjerodźenja we Wadečanskim wjesnym haće wostawaja dale mysteriozne. Kaž z wotmołwy sakskeho wobswětoweho ministra Thomasa Schmidta (CDU) na naprašowanje zapósłanca Sakskeho krajneho sejma Wolframa Günthera (Zeleni) wuchadźa, njemóžachu za to dotal žanu jasnu přičinu zwěsćić.
