Bjez kredita njepóńdźe

štwórtk, 07. februara 2019
artikl hódnoćić
(0 )

Komplikowane wuměnjenja za dwójny hospodarski plan

Trjebin (AK/SN). Gmejna Trjebin je dale w jara ćežkim pjenježnym połoženju. Dwójny hospodarski plan 2019/2020 móža jeno z wulkimi zalutowanjemi a z njelubowanymi naprawami nastajić. To podšmórny wjesnjanosta Waldemar ­Locke (CDU) na wčerawšim posedźenju gmejnskeje rady. „Jeli nětko njereagujemy, změjemy w lěće 2022 deficit 1,2 milionaj eurow“, wón podšmórny. „Přičina je, zo žane klučowe připokazanja Swobodneho stata Sakskeje njedóstanjemy. Bjez kredita tuž njepóńdźe, jeli chcemy wažnej předewzaći, mjenujcy wopłóčkowy koncept za Trjebink a wutwar šěro­kopasmoweje syće w swojej gmejnje zwoprawdźić“, tak wjesnjanosta. Gmejna a gmejnscy radźićeljo dyrbja nětko wšě móžnosće zalutowanja pruwować. Na wurjadnym posedźenju 13. měrca chce parlament dwójny etat 2019/2020 wobzamknyć.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND