Serbšćina ma samozrozumliwa być

póndźela, 13. meje 2019
artikl hódnoćić
(0 )
 Seraphina Pašcyna  Foto:  SN/Hanka Šěnec Seraphina Pašcyna Foto: SN/Hanka Šěnec

Za wólby Kulowskeje měšćanskeje rady 26. meje nastupi mjez druhim Seraphina Pašcyna z Kulowca. Skutkowanja w najwšelakorišich gremijach, na přikład jako poradźowaca čłonka techniskeho wuběrka Budyskeho wokrjesneho sejmika dla, běchu ju čłonojo Kulowskeje CDU narě­čeli, hač nochcyła so tež na komunalnej runinje angažować. Tak kandiduje nětko prěni raz za měšćanski parlament. ,,Zwopraw­dźić chcyła žiwu dwurěčnosć w gmejnje, tak zo je serbšćina wšudźe samo­zrozumliwa“, 44lětna wuzběhnje.

Mać dweju dźowkow prócowaše so zhromadnje z druhimi staršimi hižo wo to, załožić serbsku skupinu w Kulowskej pěstowarni, kotraž je w nošer­stwje Křesćansko-socialneho kubłanskeho skutka. Čestnohamtsce poradźuje wona zakładnu šulu w měsće a Wojerowski Lessin­go­wy gymnazij nastupajo serbske naležnosće, k čemuž słuša tež pěstowanje serbskich nałožkow. Za mejemjetanje je wona z dźěćimi bantowu reju wokoło meje nazwučowała. Dale bě sobu pomhała, serbsku narodnu drastu wobstarać.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND