Sport (24.05.19)

pjatk, 24. meje 2019
artikl hódnoćić
(0 )

Třeći turněr třoch krajow

W Holešowskej Dubrawce wubědźuja so dźensa, jutře a njedźelu dorostowi konjacy sportowcy z Pólskeje, Čěskeje a Němskeje. Mjez nimi su tež wjacori Serbja, tak na přikład Hannah Lehderec, Magdalena Šeferec, Sarah Krječmarjec a Křesćan Zahrodnik. Prěnje wubědźowanja su so hižo zahajili. Poslednje wurisanje dźensa budźe wot 17.20 do 18.40 hodź. skakanje klasy M. Jutře jěchaja a skakaja wot 8 do 18.30 hodź. a njedźelu wot 8.30 do 16.30 hodź. Njedźelny wjeršk budźe w 15.45 hodź. wubědźowanje konjacych zapřahow.

Na XXL-kickerowy turněr

Sportowe towarstwo Pěskecy přeproša 8. junija prěni raz wólnočasnych koparjow na tak mjenowany XXL-kickerowy turněr z woprawdźitymi koparjemi. Přizje­wjenja su móžne pod abo pola Fabiana Korjeńka pod tel. čo. 0174/3193998. Mustwo ma ze šěsć koparkow/koparjow wobstać. Startowy pjenjez wučinja 10 eurow, turněr započnje so we 18 hodź. Team z najwjace fanami dóstanje wosebite myto. Swjatki póndźelu přewjedźe potom wosom wjesnych cyłkow tež lětsa zaso koparski turněr. Přeprošene su znowa mustwa z Noweje Wjeski, Serbskich Pazlic, delnich Sulšec, Njebjelčic, Smjerdźaceje, Róžanta a Worklec. Tež hosćićel, ST Pěskecy, z jednym teamom nastupi. Turněr započnje so w 13 hodź.

Kónctydźenska kopańca

25.05. 14:00  Jednota  Kamjenc

  – FC Grimma

25.05. 15:00  Póst Germania Budyšin     – Sokoł Ralbicy/Hórki

25.05.  15:00  Rakečanske ST

  – Drohotka Ramnow

25.05.  15:00  Módro-běli Kulow

  – LSV Hory

26.05.  15:00  ST Kinspork/Łužnica

  – ST Radwor

26.05.  14:00  ST Marijina hwězda

  – FSV Łuty

26.05.  15:00  SJ Njebjelčicy – ST Lubuš

26.05.  12:30  SJ Chrósćicy II

  – HZ Rakecy II / Šćeńca

26.05.  15:00  SJ Chrósćicy – Běła Woda

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND