Wobzamknjenje Rakečanskich radźićelow na dobro zakładneje šule

Rakecy (JK/SN). Posledni raz w dotalnej zestawje zetkachu so předwčerawšim Rakečanscy gmejnscy radźićeljo, zo bychu so wo wažnych rozsudach do lětnjeje přestawki dorozumili. Dobre dźěło zašłych lět a wosebje minjeneho wotbłyšćowaše so w přeswědčiwej połlětnej rozprawje financneho wotrjada gmejny, kotruž poda jeho nawodnica Franziska Pfeiffer.