Na šuli budu dale twarić

štwórtk, 27. junija 2019
artikl hódnoćić
(0 )
Nimo přizwolenja spěchowanskich srědkow za Pančičansko-Kukowsku Šulu Ćišinskeho je sakski statny sekretar Herbert Wolff wčera bulej za sport sobu přinjesł. To so předewšěm šulerjo jara wjeselachu.  Foto: SN/Hanka Šěnec Nimo přizwolenja spěchowanskich srědkow za Pančičansko-Kukowsku Šulu Ćišinskeho je sakski statny sekretar Herbert Wolff wčera bulej za sport sobu přinjesł. To so předewšěm šulerjo jara wjeselachu. Foto: SN/Hanka Šěnec

Pančicy-Kukow (SN/MiR). Šula Ćišinskeho w Pančicach-Kukowje budźe dale přetwarjena a saněrowana. Sakski statny sekretar za kultus Herbert Wolff je wčera Pančičansko-Kukowskemu wjesnjanosće Markusej Kreuzej (CDU) a nawodnicy šule Jadwize Čižankowej přepodał přizwolenje wo spěchowanju nimale 1,1 miliona eurow. Pjenjezy su z programa Zwjazka „Mosty za přichod“ a z programa za twar šulow Sakskeje, kotryž ma swój zakład w etaće swobodneho stata.

Srědki zasadźić chcedźa na kubłanišću za nowu wohnjoškitnu připrawu, do kotrejež słušeja wuchowanske a ćěkanske puće. Dale budźe šulska awla powjetšena. Muzej Ćišinskeho ma so na druhim městnje w přizemju zarjadować, a nastać ma rumnosć za mjeńše zarjadowanja.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND