Serbske šulske towarstwo swójbny swjedźeń wuhotowało
Hórki (KJu/SN). Na „wulět do srjedźowěka“ je Serbske šulske towarstwo (SŠT) wčera na swojim swójbnym swjedźenju w Hórkach přeprosyło. Něhdźe 250 staršich a dźěći móžachu zarjadowarjo na 14. swjedźenju tajkeho razu witać. Njeběchu to jeno swójby z bliskich Chrósćic, Ralbic a Wotrowa, ale tež z Němcow a Malešec. Tež swójby, kotrychž dźěći do pěstowarnjow w nošerstwje SŠT njechodźa, wužiwachu rjany njedźelny poskitk ze zajimawej temu a su přichwatali.
