Dale a mjenje bjezdźěłnych

pjatk, 20. septembera 2019
artikl hódnoćić
(0 )

Sylny srjedźny staw na dźěłowych wikach wo wolóženje so postarał

Zhorjelc (AK/SN). Zhorjelski wokrjes zwěsća dale a mjenje bjezdźěłnych. „Płuwamy přećiwo tuchwilnemu cyłoněmskemu trendej, hdźež je stagnacija“, podšmórny nawoda wotrjada jobcentera Zhorjelskeho wokrjesa Felix Breitenstein. „Mamy sylny srjedźny staw. Hač do kónca julija zličichmy na dźěłowych wikach 1 600 integracijow.“

Kónc awgusta bě we wokrjesu dokładnje 9 298 bjezdźěłnych, štož wotpowěduje kwoće 7,5 procentow. Tak běchu 2 757 ludźi do Socialneho zakonika (SGB) III zastopnjowanych, tamne do 6 571 SGB II. Cyłkownje je so bjezdźěłnosć wot lěta 2013 z 11,2 procentami na dźensniši staw jasnje pomjeńšiła. W absolutnych ličbach woznamjenja to 11 225 potrjechenych na nětko 6 541.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND