Zhromadny projekt zakónčeny

srjeda, 02. oktobera 2019
artikl hódnoćić
(0 )
Hromadźe z Radworskimi dźěćimi přetřihachu Michael Harig, Steffan Brangs, Wincenc Baberška a Doris Drescher (wotlěwa) na dotwarjenym  Radworskim křižowanišću symboliski banćik.  Foto: Carmen Schumann Hromadźe z Radworskimi dźěćimi přetřihachu Michael Harig, Steffan Brangs, Wincenc Baberška a Doris Drescher (wotlěwa) na dotwarjenym Radworskim křižowanišću symboliski banćik. Foto: Carmen Schumann

Po křižowanišću před Radworskim kěrchowom zaso awta jězdźa

Radwor (CS/SN). W přitomnosći něhdźe 50 wobydlerjow a po wjace hač jednym lěće twarskeho časa su wčera popołdnju křižowanišćo před Radworskim kěrchowom zjawnosći přepodali. Bě to zhromadny projekt krajneho zarjada za dróhotwar a wobchad (LASuV), Budyskeho wokrjesa, gmejny, ENSO a zamołwitych za wodu a wopłóčki. Kaž wčera wuzběhnychu, dyrbješe twarska firma jenož jenički tydźeń přestawki zapołožić a je zdźěla w dwěmaj změnomaj dźěłała.

Statny sekretar Steffan Brangs (SPD), krajny rada Michael Harig, wjesnjanosta Wincenc Baberška (wobaj CDU) kaž tež Doris Drescher wot LASuV chwalachu sej sćerpliwosć wobydlerjow, kotřiž běchu swoje wjetše a mjeńše starosće z twarskej firmu njeběrokratisce rozrisali. Baberška zhladowaše hižo na dalše twarnišća. Tak měła statna dróha S 197 do Łahowa nowu asfaltowu worštu dóstać. A w Radworju dyrbjeli wotrězk wot šule hač k nawsy tohorunja ponowić. Nimo toho so wón wjeseleše, zo je za klětu wutwar hłowneho puća w Měrkowje planowany.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND