Trjebin (AK/SN). Pomnik za w Druhej swětowej wójnje padłych sowjetskich wojakow w Trjebinje chcedźa we wsy wudospołnić a sporjedźeć. K tomu wuzna so njedawno Trjebinska gmejnska rada na swojej zhromadźiznje. Jednohłósnje je gremij přepodaće dweju nadawkow za to­ wobzamknył. Stej to wudospołnjenje napisa pomnika kaž tež jeho sporjedźenje.

Firma Karl a Christin Petitjean z Derbna (Döbern), kotraž zhotowja narowne kamjenje, chce napis wudospołnić. Kóšty wučinjeja něhdźe 380 eurow. Twarska firma Svena Barona z Trjebina pomnik za něhdźe 9 200 eurow sporjedźi a ma předewšěm wotpuknjenja wotstronić.