Prěni raz z knižnym blidom LND

štwórtk, 05. decembera 2019
artikl hódnoćić
(0 )
Mjez rentnarkami delanskeje gmejny bě tež Sernjančanka Marta Markowa, kotraž  hišće wšědnje w serbskej narodnej drasće chodźi.  Foto: Alfons Handrik Mjez rentnarkami delanskeje gmejny bě tež Sernjančanka Marta Markowa, kotraž hišće wšědnje w serbskej narodnej drasće chodźi. Foto: Alfons Handrik

Runja minjenym lětam je gmejna Ral­bicy-Róžant swojich seniorow tež lětsa na adwentničku do Šunowskeje Fabrikskeje hospody přeprosyła.

Šunow (aha/SN). Tuchwilu ma delanska gmejna 1 728 wobydlerjow. Wčera wot připołdnja zeńdźe so z nich tam 150 seniorow – najstaršej běštaj 91lětny Jan Wowčerk a Kata Bjeńšowa, kotrejž budźe w januaru 90 lět –, zo bychu so při kwasnym wobjedźe kaž tež při kofeju a wosušku móhli rozmołwjeć a zhromadnje zabawjeć.

Ze wšěch wjesnych dźělow móžeše wjesnjanosta Hubertus Ryćer (CDU) po witanju mjeńše a wjetše naprawy naličić, kotrež běchu tam lětsa zwoprawdźili. Ćežišćo w Ralbicach na přikład běchu mjeztym předležace planowanske dźěła za twar noweje pěstowarnje a horta, saněrowanje křižowanišća při Trupinjanskej dróze kaž tež trěbny twar lifta za zbrašenych na wyšej šuli. W Sernjanskej nowej bydlenskej štwórći su mjeztym wot 16 twarnišćow jenož hišće tři njewobsadźene. Šěsć nowych domow je nimale dotwarjenych, a tuchwilu tam kromy pućow plestruja a wobswětlenje instaluja.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND