Hrajnu scenu wušiknje předstajili

póndźela, 09. decembera 2019
artikl hódnoćić
(0 )
Wotměnjawy a spodobny program poskićichu lětsa znowa mnoholičbnje přichwatanemu publikumej na tradicionalnym adwentnym koncerće w Ralbičanskej sportowej hali, kotryž wuhotowachu holcy a hólcy tamnišeje zakładneje šule. Nimo pěsnjow a rejow předstajichu šulerki a šulerjo 4. lětnika z hrajerskej dokonjanosću scenu wo palčikach a kelko dźěła předewšěm w dohodownym času maja. Scenu bě jim jedna z maćerjow spisała a z nimi sobu nazwučowała. Wězo je tež rumpodich chwile našoł, zo by přitomne dźěći z małymi darikami zwjeselił. Programej dźěći přizamknychu so adwentne wiki. Zarjadowanje bě znowa wuspěšne. Foto: Feliks Haza

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND